Om transkripsjonen

Vigde i Manger 1759-1880

Prestegarden i Manger vart øydelagd i brann i mars 1759, og i bålet gjekk alle dei eldre kyrkjebøkene tapt. Det er derfor først i frå 6. mars dette året at me har kyrkjebøker i frå Manger. Prestegjeldet hadde sokna Manger, Sæbø, Bø og Herdla. I 1869 vart Herdla skild ut som eige prestegjeld.

Vigde i åra 1759-1815 er registrert ved Statsarkivet i Bergen i 1995-96 av Tor Amundsen og Bodil Torgersen. Cecilie Skauge Knoph har lese korrektur på desse registreringane. Bente Kopperdal har privat registrert åra 1816-1823 og har rettane til denne delen av databasen. Bente Kopperdal har også for Statsarkivet i Bergen har registrert åra 1824-1880. Dei to siste delane er er kontrollert av Yngve Nedrebø, men er ikkje korrekturlesne.

Databasen byggjer på kyrkjebok for presten i Manger A1 (1759-1791), A2 (1792-1815), A3 (1816-1824), A4 (1824-1838), A5 (1839-1848), A6 (1860-1870) og A8 (1871-1880). Originalane vert oppbevarte på Statsarkivet i Bergen. Kyrkjebøkene er mikrofilma, og film/mikrokort kan ein få kjøpt gjennom Riksarkivet, Postboks 4013 Ullevål Stadion, 0806 Oslo.

Radøy og Øygarden kommune har vore med og betalt for registreringsarbeidet, og er medeigarar av dette materialet.