Om transkripsjonen

Døypte i Manger prestegjeld 1759-1815

Prestegarden i Manger vart øydelagd i brann i mars 1759, og i bålet gjekk alle dei eldre kyrkjebøkene tapt. Soknepresten Wilhelm Frimann (1712-1789) og familien hans var på reise, og slapp unna brannen, men han mista den store boksamlinga si.

Det var ein noko resignert sokneprest Frimann som sette seg ned med ei ny kyrkjebok 6. mars 1759: "Ministerial-Bog for Mangers Præste-Gield hvorudi ved Dag og Datum er indført alle Embeds-Forrætninger fra 6te Martii 1759, da alle de forrige Ministerialia ved den Præstegaarden overgangne u-lykkelige Ildebrand blev lagt i Aske".

Denne databasen omfattar Kyrkjebok for presten i Manger A1 (1759-1791) og A2 (1792-1815) på Statsarkivet i Bergen.

Manger prestegjeld omfatta på denne tida sokna Sæbø, Manger, Bø og Herdla.

Fadrar er teke med dei ti første åra fram til 1770 av di kjeldematerialet frå dette området desse åra elles er svært tynt (Samla i Merknadsfeltet). Kjell Alvheim arbeider med å registrera fadrar i perioden etter 1770. Han vil leggja dette arbeidet ut når det er ferdig.

Databasen er enno ikkje korrekturlesen.

Bente Kopperdal 25.09.2000

Sjå elles om kyrkjebøker

Mikrofilmane av kyrkjebøkene er skanna.