Om transkripsjonen

Koppskatten 1645-46 for Nordfjord

Listene som gjeld koppskatten 1645-46 for Nordfjord ligg i Lensrekneskapane, Eldre avdeling, Riksarkivet i boks 103 som legg 3. Materialet er tilgjengeleg på mikrokort, og til sals ved:

Nasjonalbibliotekavdelinga i Rana
Postboks 278
8601 MO

Koppskatten 1645-46 kom som resultat av eit direktiv som Hannibal Sehested, Jens Bjelke og Niels Lange sende ut 19. juni 1645. Årsaka var store utgifter til krig, og skattlegginga skulle omfatte alle personar i Noreg over 15 års alder.

Det varierer litt frå futedømme til futedømme korleis sjølve listene er ført. Nokre har teke med namn på husfar, ektefelle, barn og tenarar, medan andre berre har med namnet på hovudpersonen, og berre har talet på dei andre i hushaldet over 15 års alder. Futen i Nordfjord har teke med personar som ikkje skulle betale skatt, av di dei var vanføre, gamle eller sjuke.

Mange trur underregistreringa i koppskatten 1645-46 er stor, men den er den første tilnærma landsdekkande "folketeljing" vi har.

Databasane for prestegjelda i Nordfjord er laga i august 2003 av Yngve Nedrebø, Statsarkivet i Bergen.