Om transkripsjonen

Skifteregister for Ytre Sogn 1698-1853

Denne registeret dekkjer skifteprotokollane for Ytre Sogn 1698-1853 med unntak av åra 1733-1738 då skifteprotokollen manglar. Ved utarbeidinga har vi bygt på dei originale registra i protokollane og på kronologisk ordna registre i Statsarkivet. Kvaliteten her har vore skiftande, så korrekturen er lesen mot originalprotokollane.

Registeret som omfattar 11 061 namn Namna er varsamt normaliserte.

Det har vore nokre jurisdiksjonsendringar i Ytre Sogn i dei åra registeret dekkjer:

-Ved reskript 23. desember 1773 vart Oppheim sokn av Nærøy skipreide lagt til Voss i Hardanger og Voss sorenskrivarembete. Samstundes vart Eivindvik sokn av Gulen skipreide overførd frå Nordhordland til Ytre Sogn.

-Ved reskript 2. februar 1813 vart Aurland og Nærøy skipreider og gardane Frønningen og Lagmannsås i Tjugum skipreide overførte frå Ytre Sogn til Indre Sogn sorenskrivarembete. Men dette vart gjort om att ved reskript 30. oktober 1830, slik at desse to skipreidene og i tillegg dei to gardane i Tjugum frå 1. januar 1831 igjen kom under Ytre Sogn.

-Ved kgl. resolusjon 19. desember 1837 vart Sjøstrand og Tjugum skipreider i Leikanger prestegjeld og dei gardane i Kvamsøy skipreide som låg i Leikanger prestegjeld slegne saman til eitt tinglag under namnet Leikanger. Samstundes vart resten av Kvamsøy skipreide slege saman med Vik til eitt tinglag under namnet Vik.

Skrivearbeidet er utført av Inger Berit Einarsen for midlar frå Landslaget for lokalhistorie. Tilrettelegginga tok Torleif Hansen seg av. Yngve Nedrebø hadde ansvaret for korrektur og etterarbeid.

Materialet fordeler seg slik etter protokoll:

| | | | | -- | ---- | | | Protokollnr: | År: | Antal | | 1a | 1698-1700 | 106 | | 1b | 1700-1701 | 113 | | 2a | 1702-1707 | 136 | | 2b | 1707-1719 | 280 | | 3a | 1720-1728 | 249 | | 3b | 1728-1733 | 274 | | 5 | 1738-1739 | 93 | | 6a | 1740-1743 | 451 | | 7a | 1750-1756 | 426 | | 7b | 1756-1763 | 441 | | 8a | 1763-1766 | 416 | | 8b | 1766-1772 | 477 | | 9a | 1772-1776 | 399 | | 9b | 1776-1782 | 382 | | 10a | 1783-1786 | 253 | | 10b | 1786-1790 | 309 | | 11a | 1782-1791 | 275 | | 11b | 1791-1799 | 655 | | 12 | 1800-1805 | 550 | | 13 | 1806-1809 | 350 | | 14 | 1809-1813 | 373 | | 15 | 1809-1825 | 372 | | 16 | 1813-1826 | 424 | | 17 | 1813-1828 | 457 | | 18 | 1828-1833 | 491 | | 19 | 1833-1836 | 346 | | 20a | 1837-1840 | 427 | | 20b | 1840-1844 | 262 | | 21 | 1843-1848 | 410 | | 22 | 1848-1853 | 379 | | Sum | | 11062 |

Fordelt etter tinglag/skipreider:

| | | | ---- | | | Aurland | 761 | | Gulen | 920 | | Klævoll | 915 | | Kvamsøy | 1043 | | Lavik | 2128 | | Leikanger | 327 | | Lærdal | 1 | | Nærøy | 316 | | Sjøstrand | 732 | | Tjugum | 1518 | | Utvær | 1090 | | Vik | 1306 | | Sum | 11061 |

YN, 4.8.1999