Om transkripsjonen

Dette registret dekkjer skifteprotokollane for Sunnhordland 1668- 1850, bortsett frå åra 1674-1692, 1700-1707 og 1723-1742 då slike protokollar manglar. (I stiftamtmannsarkivet lnr. 1970 finn ein skiftedesignasjonar 1731-1745.) Ved utarbeidinga av databasen har vi bygt på originale register i protokollane, eller eldre register i Statsarkivet. Korrekturen er lesen mot originalprotokollane.

Registeret finst i to versjonar, ein alfabetisert på førenamn og ein alfabetisert på gardsnamn, og vi har gjennomført ei varsam normalisering av namna. I Statsarkivet er registret tilgjengeleg i maskinleseleg form også med unormaliserte gards- og personnamn.

Sunnhordland sorenskrivarembete omfatta frå gammalt av skipreidene Os, Strandvik, Kvinnherad, Strandebarm, Skånevik, Fjelberg, Fjære, Føyen, Våg og Opdal.

I perioden registeret dekkjer skjedde det nokre jurisdiksjonsendringar som kan vere viktige for dei som leiter etter opplysningar:Ved kgl. res. 6. juni 1840 vart gardar i Finnås prestegjeld, som i det verdslege låg til Skåre skipreide i Ryfylke futedømme, overførde til Fjære skipreide i Sunnhordland og Hardanger futedømme. Dei gardane av Skjold prestegjeld i Ryfylke, som i det verdslege låg til Fjære skipreide, vart på same tid overførde til Vats skipreide i Ryfylke futedømme.

Ved kgl. res. 17. juli 1847 vart det skipa eit nytt sorenskrivarembete: Midhordland. Ordninga vart sett i verk 1. januar 1848. Frå Sunnhordland sorenskrivarembete vart gardane Salbu og Sele i Fana, Os prestegjeld og soknene Austevoll og Møkster av Sund prestegjeld overførde til Midhordland.

Mange gardar i Sunnhordland låg til Lysekloster eller Rosendal. Desse gardane låg under eigne skiftejurisdiksjonar, begge styrde av sorenskrivaren i Hardanger og Voss. Skifta som vart haldne på desse gardane, er difor protokollførde i bøkene for Hardanger og Voss.

Innskrivinga av skifteregistret er det Inger Berit Einarsen som har stått føre, Egil Nysæter hadde ansvaret for tilrettelegginga, og har lese korrektur på delar av materialet. Underskrivne har ansvaret for korrektur.

YN 15.07.1999

**Oppdatering pr. 28.10.2009:
** Databasen er no utstyrt med lenker til skanna sider frå originalprotokollane. Merk at nokre personar kjem att fleire gonger då dei har referanse til fleire sider i kjeldene. Me har splitta det opp slik at det er ei lenka sidereferanse pr post/rad i databasen.

Skifteprotokollane som er med i dette registeret:
A.a. 1a 1668-1669
A.a. 1b 1669-1673
A.a. 2a 1693-1695
A.a. 2b 1695-1699
A.a. 3a 1708-1712
A.a. 3b 1712-1717
A.a. 4 1717-1722
A.a. 6a 1743-1749
A.a. 6b 1749-1751
A.a. 6c 175l-1753
A.a. 6d 1753-1755
A.a. 7a 1755-1760
A.a. 7b 1760-1765
A.a. 7c 1765-1768
A.a. 7d 1768-1773
A.a. 8 1773-1780
A.a. 9a 1780-1783
A.a. 9b 1783-1785
A.a. 9c 1785-1787
A.a. 10a 1787-1790
A.a. 10b 1790-1792
A.a. 10c 1792-1796
A.a. 11a 1796-1801
A.a. 11b 180l-1804
A.a. 12 1804-1815
A.a. 13 1814-1819
A.a. 14 1819-1826

For skipreidene Opdal, Os, Strandvik og Strandebarm:
A.b. 1 1808-1818
A.b. 2 1827-1835
A.b. 3 1835-1844
A.b. 4 1844-1850 (protokollen går til 1862)

For skipreidene Føyen, Fjære og Våg:
A.d. 1 1808-1817
A.d. 2 1820-1824
A.d. 3 1824-1828
A.d. 4 1828-1834
A.d. 5 1834-1838
A.d. 6 1838-1844
A.d. 7 1844-1850 (protokollen går til 1853)

For skipreidene Skånevik, Etne, Fjelberg og Kvinnherad:
A.e. 1 1819-1825
A.e. 2 1825-1834
A.e. 3 1834-1844
A.e. 4 1844-1850 (protokollen går til 1859)

Digitalarkivet, oktober 2009