Fylkesarkivet i Vestland

Fylkesarkivet i Vestland tek vare på, gjer tilgjengeleg og formidlar offentleg og privat kjeldemateriale. Gjennom ein samla og heilskapleg samfunnsdokumentasjon legg vi rette for at publikum skal kunne bruke arkiva og kjeldematerialet i ulike samanhengar. Det kan vere som grunnlag for historisk forsking og formidling, dokumentasjon av rettar eller til bruk i samfunnsforvaltning.

Fylkesarkivet i Vestland er ein del av avdeling for kultur, idrett og inkludering i Vestland fylkeskommune. Fylkesarkiva i Hordaland og Sogn og Fjordane vart samla frå januar 2020. På heimesida fylkesarkivet.no finn du informasjon om arkiv- og kjeldemateriale vi forvaltar frå heile Vestland fylke.