About transcription

Folketeljinga 27. november 1825

Stortinget ville skaffe seg oversikt over befolkninga i kjøpstedene - for å kunne fordele skattebyrde, men Finansdepartementet utvida framlegget til å gjelde heile riket. Kongelig res. 11. oktober 1825 fastsette at teljinga skulle haldast første søndag i advent (27. november) 1825, og instruksen er gjeven i sirkulære 20. oktober. Ved denne teljinga skulle det hentast inn opplysningar frå kvart einaste hus i byane og alle skyldsette bruk på landet. Husmannsplassar som ikkje var skyldsette skulle førast opp saman med garden dei låg under.

Personar som var bortreist for kortare tid på teljingsdagen, t.d. fiskarar og sjømenn, skulle teljast med på heimstaden. Men folk som ikkje var fastbuande, vart heller ikkje tekne med i teljinga.

Originalen ligg i Strandebarm prestearkiv i SAB, og for delar av teljinga ligg det to ulike versjonar - og dei er berre delvis identiske. Databasen er bygd på dei vi reknar som dei endelege, men har "retta" nokre stader der det er manglar i høve til den andre. I sum kjem vi litt over det offisielle talet - 2540. Nokre personar er talde to gongar.

Databasen for Strandebarm prestegjeld (soknene Strandebarm, Varaldsøy og Jondal) er laga av Marianne Herfindal Johannessen og Yngve Nedrebø i juli 1999.

Nærare opplysningar om folketeljuinga 1825 kan ein finne i "Folk og Fant" av Anna Tranberg (NLI) 1986.

YN, 04.08.1999

Les også om folketeljingar i Noreg