About transcription

Skifteprotokollane for Indre Sogn er å finne i Statsarkivet i Bergen. Registeret dekkjer skifteprotokollane for Indre Sogn 1666-1850, bortsett frå åra 1686-1688, 1695-1707, 1724-1734 og 1748-1751, då slike protokollar manglar.

Utgåva frå 2002 - Register til skifteprotokollane 1666 til 1850

Ved utarbeidinga av databasen har vi bygd på dei originale registra i protokollane, eller på eldre registre i Statsarkivet i Bergen. Korrekturen er lesen mot originalprotokollane.

I perioden registeret dekkjer har det vore ei viktig endring av jurisdiksjonen: Frå 1813 til 1830 låg Aurland og Nærøy skipreier samt gardane Frønningen og Lagmannsås av Tjugum skipreie til Indre Sogn sorenskrivarembete. Før 1813 og etter 1830 låg desse til Ytre Sogn.

Skrivearbeidet er gjort av Inger Berit Einarsen for midlar frå Landslaget for lokalhistorie. Korrekturen er gjort av Yngve Nedrebø, Statsarkivet i Bergen.

Utviding av registeret i 2019

Fylkesarkivet i Sogn og Fjordane har utvida skifteregisteret som frå 2002, til å omfatte personar omtala i det enkelte skiftet. Dette gjeld 1666 til 1837, etter det er det berre skifteutloddingsprotokollar, og desse inneheld berre namn på arvelatar.

I 2019 blei dette registeret gitt til Digitalarkivet for publisering, og desse registra er slått saman og fordelt på protokollane. Protokollane er skanna, og registeret er lenka til dei skanna utgåvene.