About transcription

Denne databasen er REGISTERET til mannskapsrullen for Bergen by (Protokoll starta 1870 etter lov av 12.05.1866 § 33 Reglementets § 7). Kvart loddtrekningsdistrikt skulle ha mannskapsruller med oversikt over alle menn som var konfirmert/over 19 år med opplysningar om vernepliktforholdet fram til dei vart utskrivne, vart fritekne frå utskriving eller gjekk over til sjøfartsrullane. Grunnlaget for desse listene fekk ein frå soknepresten. Deretter var det rodeforstanderen si plikt å halde greie på mannskapet i sitt distrikt.

I denne tida var Bergen delt opp i 73 militære roder. Dei siste 20 rodane kom i 1877 då Domkirkens og Korskirkens landsokn vart innlemma i byen – dvs Møhlenpris, Sandviken, Kalfaret og Nygård. Sivilt hadde ein 24 by-rodar, 2 rodar i Sandviken og matrikkelnummer på dei øvrige landsokna.

Rullane som dette registeret viser til inneheld informasjon om kvar og når mannskapet er døypte og konfirmerte, foreldra sine namn, samt bustad og kvar dei heldt til inntil dei ikkje var interressante for militæret lengre. For å bestille oppslag på enkeltpersonar brukast denne lenka:

https://www.arkivverket.no/tjenester/bestill-en-enkeltopplysning/andre-henvendelser#!/form/0