Har du filer som er under arbeid?
På Arkivverkets nettside kan du lese mer om avtalen: Avtalen:
Viss ei kyrkjebok har innførslar før 1900 må du transkribere åra før 1900, slik at heile perioden i kyrkjeboka vert transkribert. Både lister over dødfødde og gravferder skal transkriberast. Desse skal førast inn i separate lister, og må ikkje blandast.
Dersom dissentere er førte i eigne lister, eller på eigne sider, i kyrkjeboka, skal dei førast i eiga liste.
Du skal ikkje registrere informasjon som omhandlar fengsel eller sjukehus, til dømes "Død på Sandviken sjukehus", "Bustad Bergen Kretsfengsel" og liknande. Du skal heller ikkje registrere medisinske sinnstilstandar som sinnsjuk, åndssvak og liknande. Her gjeld 100-års regelen; døde før 1917 kan du registrere slik type informasjon om, men ikkje frå og med året 1917 (i 2017).
Felt som skal vere med når du transkriberer gravferder:
- Side
- Løpenr
- År
- Sokn/kyrkje
- Dødsdato (på formatet dd.mm)
- Gravferdsdato (på formatet dd.mm)
- Jordfestingsdato (på formatet dd.mm)
- Avdøde si stilling
- Avdøde sitt namn
- Avdøde sin bustad
- Avdøde sin fødestad
- Avdøde sin fødselsdato og år (på formatet dd.mm)
- Pårørande (dersom dette er oppgitt)
Dersom dødfødde står i eigne lister, skal desse ikke førast saman med dei døde. I registreringsprogrammet Augustus finst ei eiga liste som heiter dødfødde som skal brukast.
Felt som skal vere med når du transkriberer dødfødde:
- Side
- Løpenr
- År
- Sokn/kyrkje
- Fødselsdato (på formatet dd.mm)
- Ekte/uekte
- Foreldras stilling, namn, bustad og fødselsår (for barn fødde i ekteskap, set oppgjeven bustad på begge foreldra).
Når du transkriberer kyrkjebøker, skal du fylgje KYRRE-standarden (Standard for dataregistrering av norske kyrkjebøker). Det er viktig at du set deg grundig inn i denne standarden før du tek til å transkribere.
Du sender dine ferdig transkriberte filer til digitalarkivet@arkivverket.no.
Merk eposten med navn på område, periode og hva du har transkribert. f.eks Askøy klokkerbok 1900-1910 døde
Last opp de transkriberte filene som vedlegg i eposten.
Viss du (privatperson eller foreining) ynskjer å delta i transkribering av kyrkjebøker, gjer du det som gjest i Digitalpensjonatet. Det vil seie at du har rettane til dine eigne transkriberte data inntil anna er avtalt. Digitalarkivet kan berre nytte dataa til distribusjon på våre nettsider. Digitalarkivet kan ikkje dele dine data med andre, utan at me har fått løyve til det frå deg. Merk at det finst unntak til dette: Transkriberte data frå denne dugnaden blir delte med HBR. I tillegg er transkriberte persondata bidrag i ein større dugnad der Digitalarkivet sin samarbeidspartner RHD (Registreringssentral for Historiske Data) legg data til rette for forsking. Dine transkriberte data frå denne dugnaden vil difor bli delte med RHD.