| For dei som brukar historiske kjelder er
det ofte nyttig å ha tilgang til historiske kart. For å gje
litt hjelp har vi fått skanna eit kartmateriale som har vist seg
særs nyttig i den trykte utgåva. Karta som er med i denne nettutgåva
syner prestegjeld, amt og kjøpstader i Noreg i 1801, og har i tillegg
med fylkesgrenser og kommunegrenser frå 1979. Karta er henta frå
Norges Offisielle Statistikk B 134: Folketeljinga 1801, Ny bearbeiding,
Oslo 1980 (ISBN 82-537-1149-2). Alle karta er laga i 1979 av Jørgen
H. Marthinsen, Riksarkivet.
Det er folketeljinga i 1801 som er den viktigaste kjelda til grenser og namneformer på karta. I nokre tilfelle manglar teljingsmaterialet, og i slike tilfelle er namneformene henta frå andre kjelder på same tida. Nokre av grensene var ikkje fastsette i 1801. Særleg gjeld dette i fjellområde og i andre delar av landet som var utan fast busetjing. I slike høve er grensene lagt inn på kartet etter seinare fastsetjingar. I somme tilfelle er berre kommunenummer oppgjeve på kartet. Ved å følgja lenka [kommunenummer og notar] oppe på kartsidene, kjem ein til sider som har oversikt over kommunenamn og forklaringar til kartet. Bente Kopperdal har laga denne nettutgåva. Cecilie Boge har skanna alt materialet. |